LOGO SMKN 1 PROBOLINGGO

Kidung Rumeksa Ing Wengi [dandhanggula - 10i,10a,8e,7u,9i,7a,6u,8a,12i,7a] Sunan Kalijogo Ana kidung Rumeksa ing wengi Teguh hayu luputa ing lara Luputa bilahi kabeh Jim setan datan purun Paneluhan tan ana wani Miwah panggawe ala gunane wong luput Geni atemahan tirta Maling adoh tan ana ngarah ing mami Guna duduk pan sirna Sakeh lara apan padha bali Liring ama pan sami mirunda Welas asih pandulune Sakehing braja luput Kadya kapuk tiba ing wesi Sakehing wisa tawa Sato galak lulut Kayu aeng lemah sangar Songing landhak guwaning wong Lemah miring Myang pakiponing merak Pagupokaning warak sakalir Nadyan arca myang segara asat Temahan rahayu kabeh Apan sarira hayu Ingideran kang widadari Rineksa malaekat Lan sagunging rasul Pinayungan ing hyang sukma Ati Adam utekku baginda Esis Pangucapku yo Musa Napasingsun ya ngIsa Linuwih Nabi Yakub pamiarsaningwang Dawud suwaraku mangke Ya Ibrahim nyawaku Nabi Sleman kasekten mami Nabi Yusuf rupeng wang Edris ing rambutku Baginda ngAli kulit wang Abubakar getih daging ngUmar singgih Balung baginda ngUsman Sumsumingsun Patimah linuwih Siti Aminah bayuning angga Ayub ing ususku mangke Nabi Nuh ing jejantung Nabi yunus ing otot mami Netraku ya Muhammad Pamuluku Rasul Pinayungan Adam Kawa Sampun pepak sakathahe para nabi Dadya sarira tunggal